8.19

或者我唔应该咁早写总结嘎，但系我真系好郁结～

翻离觉得同某个老死又近咗～但系同另外一个疏远咗～～唉。。。

                                                                             

8.20

今日知道原来孔瑜7月就翻咗嚟GZ，居然唔话我听～--..--

晚黑同葱，咩，柠檬，熊××去正佳大椰丰饭食，劲贵！服务又差～！居然系壶茶度有虫～！仲唔认错！所以一于唱衰佢！

简直大失雅兴～！

anyway，见到佢地，此心足矣啦。黎我走，仲有7日咋。。    

 

 

 

8.21

仲有6日。呢6日可以再漫长D嘛？

今日好忙，赶场啊～后黎也因为身体不太适而翻归修养。今日望多咗几眼天河城。唔知几时先可以再见。。。心里很不是滋味！

既然决定咗，就要做！仲要认真地做！

前晚应承咗ZOE翻去后复习MLC，11月3号考试。本来好得闲嘎学期，突然间紧张咗起身。或者做学生就系应该勤勤力力地为学业奋斗～好在我认识你这样勤奋的学生，如果唔系，我捻我会俾我人生最后一个学期荒废下去。。。。。

想起这个最后的学期，想起翻去要搬家的日子～强烈地唔想面对！！人生啊。。。。

 

8.22

今日同纸皮去亚洲撑台脚，跟手去咗万凌行街街～除咗帮antie，阿叮买生日礼物外，我仲自己蜜色咗好野俾自己～过两日去扫货！哦呵呵呵呵～～

我同纸皮买咗《我们这一家》嘎“酷笋”俾佢地～哈哈，一人一只！antie星期二先生日，不过佢生日前都唔会知道我送咩俾佢嘎啦，因为我估佢两日内唔会嚟睇blog咯，呵呵呵呵。。。

我唔想走唔想走唔想走！！！！！！我承认我琴日一个人坐系屋企咗几分钟～最近心情起伏好大，因为热，生理原因再加上我就快走了。（阿聪总结出黎嘎，我好赞成！）我宜家好佩服5年前独自走出广州机场出境处嘎我，或者俾多5年我，我可能行不出去！那份勇气，当时不知道；因为当时不知道什么叫勇气，没有东西需要顾虑。宜家好奇怪地，每一次，每一次，那份想留的心越发强烈，那份想在机场回头的冲动越发强大。…………………………算啦，我只是乱up.

噢～耶！翻去有人买冰酒我饮～哈哈哈～系加拿大买翻嚟嘎！呵呵呵

 

8.23

今日做咗件比较健康的事情。咁大个女第一次去行书展...-_-因为我唔系咁中意睇书。。。就系为咗去俾手信阿聪。应该系今年最后一次见聪仔啦～我翻去后一定好挂住你嘎！中午去潮濠饮茶，今年最后一次食我最喜爱的虾饺！我翻去也会怀念你的～～虾饺！

晚黑一众人陪妈妈过生日，绿茶生日蛋糕好好食！妈妈生日快乐！不过听日先系正日！所以听日再正式帮妈妈庆祝。

妈妈今晚好开心，因为佢话：阿女去咗6年，第一次陪我过生日！

以后，我每年都陪你过生日！一定嘎！唔准喊！

今晚收到美国室友的email，大家计划住翻去嘎搬屋行程，老实话，一下子好似已经翻到波士顿，融入那里的生活。说什么自己也不可能不习惯一个人的生活，只是这个好难得嘎夏天，令我好唔舍得现时身边的一切！而E一切会成为我人生好美好嘎回忆！对自己默默地说，开开心心笑住过好E5日！

space新歌～我歌故我在，谢安琪

 

8.24

本来今日要同妈妈庆祝嘎，不过中午算系同妈妈庆祝鸟，就算啦。

中午托五姨嘎福，食咗餐好奢侈嘎午餐～～呵呵，辣子龙虾。好好味啊！多谢五姨～～～呵呵呵呵 

我都唔明D人，毁我形象，讲d损我嘎话个心会舒服d嘎咩？将我踩低系种乐趣嚟嘎？我识得分咩叫讲笑，咩叫存心。某些人的言语令我觉得relatives连街上唔识嘎人都不如！

仲有3日～

 

8.25

当时间悄悄嚟到25号凌晨3点几的时候，意味着离我走仲有唔到2日的时间。

下午去咗万凌扫货！扫咗D野俾自己，唔知做咩临走先买衫～（因为减价挂。。。呵呵呵）。我又一厢情愿地要装饰自己间房啦～

今晚参加咗antie同阿丁嘎生日party。《我们这一家》拿住四只得意的酷笋影咗张全家福！

玩“三国杀”的时候，把party带到了高潮，我们很尽兴，很尽兴！

回到家，一直在回味头先的一切。即使不舍，也把那些不舍全部埋藏在心底！我爱你们！我会挂住你地嘎～！！！

 

8.26

今天除了剪咗头发，同立然食咗餐饭之外，基本上无做过咩野。

我对个新发型好满意～～呵呵呵。

仲有一日咋～～～

 

8.27

今朝同阿嫲阿爷饮茶。也同挚爱的甜肠粉说再见～

跟住去攞相，然后加晒放大嘎相。再然后今年最后一次行北京路～～来回行咗4次！脚都跛！不断地从文德路北京路口同动漫星城，五月瓜，中旅之间徘徊。今日我将公园前呢个地铁站嘎所有出口都行过了～～劲到啊～！去整咗格仔指甲油～好喜欢！

刚翻离的时候，我同傻琪去咗北京路天河城嘎仙仔饮野～正所谓好头好尾，今日我也再次同傻琪去翻呢间仙仔，坐上次个张台嘎隔离果张，饮翻上次个杯野（都系例牌嘎啦），所有的一切夹在呢两次的仙仔记中间！

晚上去食榴莲酥同濑尿虾～我会记得你们的味道滴～～

如果我好彩，听晚嘎呢个时候应该在飞往洛杉矶嘎飞机上，东岸时间8月29日早上抵达纽约JFK机场，估计31号翻到波士顿～至于几时搬屋，宜家要睇个天了，因为D truck俾人租晒了。。。。可能要2号先可以搬屋～～不过一切都未定～再算啦～～

 

提前写（呢家为8.28日凌晨）8.28

今晚9点从GZ白云机场飞往洛杉矶LAX机场。。。。全程14小时～～呢个美好的“某年仲夏”好难忘！一切都要回味～持久地回味～

句号话上于和爸爸妈妈在家的晚餐桌上，食我最中意食嘎晚餐！

我知道妈妈肯定会好深情地望住我，夹我最中意嘎白切鸡吡俾我食，老豆肯定叫我食多D，然后话“美国无得食咖～！”如果我无估错，你们俩老睇到呢篇野的时候肯定会面带微笑，笑我这个鬼马的女儿。你们了解我，我也了解你们！多谢你们给我呢个机会，体验我迷失了五年的暑假～这个暑假，我好开心！唔准喊！

                                                                       -----此刻的心情叙述完毕。翻去后仲有感想要写滴～